Klubi anglez, Chelsea ka publikuar fanellat e reja të cilat do t’i mbajë veshur si vendas në edicionin 2022/23.

Para nisjes së sezonit, klubet përveç përforcimeve merren edhe me prezantimin e fanellave për sezonin e ardhshëm.

Një gjë të tillë e ka bërë edhe klubi nga Stamford Bridge, Chelsea, i cili ka publikuar tashmë fanellat e reja.

Blutë e Londrës kanë publikuar fanellën që do ta mbajë veshur në ndeshjet si vendas, ndërsa janë të prodhuara nga kompania Nike.

Ngjyra e kaltër vazhdon të mbetet dominuese, ndërsa fanella vjen si kujtim për ish-menaxherin legjendar Ted Drake.

“Fanella jonë e shtëpisë për sezonin 2022/23. Një kujtim për ish-menaxherin Ted Drake, njeriun që prezantoi ‘luanin e shfrenuar’ i cili shfaqet në jakën e fanellës”, thuhet në njoftim e Bluve.

Our 2022/23 @nikefootball home shirt! ?

A tribute to ex-manager Ted Drake, the man that introduced ‘lion rampant regardant’ which features in the collar of the shirt. ?
#ItsAChelseaThing | #ThePrideOfLondon

— Chelsea FC (@ChelseaFC) July 7, 2022

Fanella del në shitje në mbarë botën të mërkurën më 13 korrik, por mbështetësit mund ta blejnë tashmë, pasi është i disponueshëm për akses të hershëm në dyqanin zyrtar online të Chelseat dhe në Megastore në Stamford Bridge.